|
Hadhwanaag
2007-12-27 (Hadhwanaagnews) Sida aad la socotaan amaba aad maqasheen,waxaa bartamihii
sanadkii hore ilaa dabayaaqadii bisha desembar ee sanadkii tagay M/muqdisho
iyo qeybo ka mid goboladda dalka, gacanta ku hayay Golihii maxkamadaha
islaamiga ah, kuwaasi oo dagaal culus iyo kacdoon dadweyne ka dib ku
guuleystay in ay meesha ka saaraan awoodii Hogaamiye kooxeedyadda muqdisho
oo xiligaa ku midoobay isbaheysi la magac baxay { la dagaalanka argagixiso
la dirirka] marka laga reebo xil.Caato,iyo Xil.X.ceydiid, oo iyagu aan ka
qeyb galin kana mid ahaa hogaamiye kooxeedya Muqdisho.
Xiligaa golaha maxkamaduhu waxa ay ku dhaqaaqeen talaabooyin rajo galiyay
shacabka oo ay ugu horeyso soo celinta Amniga oo aheyd baahida ugu weyn ee
ay qabeen reer muqdisho iyo inta ku teedsan,iyo soo celinta bilicdii
caasimadda oo markaa aheyd bahalo galeen,waxa ay kaloo dhiseen gudi fulin
iyo gole shuuro waxaana xilalkaa loo k ala dhiibay Sh. Shariif iyo Sh.Xasan Daahir,
Xiligaa waxaa jiray culesyo fara badan oo goloha maxkmadaha kaga imaanayay
dalka dibadiisa iyo gudahiisa, waxaana dalal dhowr ahi shaki ka muujinayeen
isbalaarinta ciidamadda maxaakiimta iyo ineey jiraan xubno danbiyo
caalamiya galay oo ay gabaad u yihiin xubno ka tirsan maxkamaduhu, waloow
maxkamadaha qudhooda la oran karay waxna wey wada qalanayeen, midiyahana
weey kala qarsanayeen, oo waxaa jiray xubno aan xogta dhabta ah ka war heyn
marka laga reebo Alla dartii, oo ahaa barnaamijka ay kuwada howl galeen.
Awoodda golaha maxkamaduhu, waxa ay soo ifbaxday ka dib markii ay
maxkamaduhu ku faafeen gobolo dhowr ah oo xataa dhaqdhaqaaqoodu uu gilgilay
dalalka dariska ah, dhinaca kale dowladda kmg ah ee soomaaliya ee lagu soo
dhisay Neyropi,ayaa waxaa ay mudadaa waab kaga jirtay M/baydhabo,iyadoo
cabsida ugu weynina ay timi markii xoogaga maxkamaduhu ay u ruqaansadeen
dhanka goboladda Bay iyo Bakool, isla markaana uu meesha ka baxay wadahadal
lagu dhex dhexaadinayay labadda dhinac oo ay Jaamacadda Carabtu gogosheeda
dhigtay M/khartuum ee wadanka suudaan,waxa uuna mudadaa ka dib xaalku
noqday keeb la yuurar iyo qoryo isku tag,
Dowladda kmg ah ee soomaaliya ee lagu soo dhidbay dalka neyropi, waxaa
mudadaa garab siinayay wadamadda Ithopia, Yaman, iyo Ugaandha, halka golaha
maxkamadaha islaamiga ah e garab taagnaayeen si toos ah iyo si dadbanba,
wadamadda Eratariya, Jabuuti, Masar, Liibiya,sucuudiga Qadar, iyo ururka
xisbulaahi, iyo kooxo kale sisda lagu xusay warbixino dhowr ah oo laga diyaarirayay
xiligaa, hadaanse idiin xasuusiyo dhacdooyinkii xiligaa kuwa ka mid ah:-
9-kii desembar 007, waxaa ya 15-ka xubnood ee golaha amaankau meel mariyeen
in cunaqabateynta hubka soomaaliya laga qaado,
12-kii desembar, Sh.yuusuf indha- cadde, ayaa sheegay in ay muddo todobo
maalmood ah ay u qabteen in ciidamadda ithopia dalka looga saaro,
19-kii desembar, ayayna aheyd markii ugu horeysay ee ay ciidamadda
maxkamadaha iyo ciidamadda dowladu isku easaaseeyeen aaga hore ee
daynuunaay,
23-kii desembar Sh.Yuusuf indha cadde oo shir jaraaid ku qabtay meel aanuu
sheegin ayaa ku booriyay muslimiinta xag jirka ah in ay soo galaan dalka
kalana soo qeyb galaan dagaalka ay kula jiraan Ithopia, waxa uuna carabka
ku dhuftay in ay qabsan doonaan Adis-apapa kuna tukan doonaan maalinta
ciidda ah,
25-kii desembar, diyaarad ay leeyihiin ciidamadda cirka ee dowladda Ithopia
ayaa duqeeyay Erapoorka caalamiga ah ee muqdisho,
wixii intaa ka danbeeyayna waxa ay xoogagii maxkamaduhu u muuqdeen kuwa sii
tabar yareynaya oo loo awood sheegtay,
Hadaba, maadaama bishan desembar oo kale sanadkii hore ay dhaceen isbadalo
meesha ka saaray awoodii golaha maxaakiimta islaamiga ah, kuwaasi oo haatan
sanad jirsaday, waxaa muhiim ah in aan ka abaarno maxaa isbadalay, oo ku
soo kordhay xaaladaha soomaaliya hadahaa oo kale sanadkii tagay,
Desembar sanadkii 2006, waxaa ay ku beegneyd markii ugu horeysay ee
ciidamada dowladda oo ay sahmiyayaal u yihiin ciidamada Ithopia ay soo
gaaraan caasimadda soomaaliya ee Muqdisho,waxa ay dadka qaar u arkayeen in
imaanshahoodu ay tahay maslaxo, iyo in la heli doono dowlad soomaaliyeed oo
shaqeysa, halka qaar kale oo aaminsanaa aaraada maxaakiimtu ay ula muuqatay
in tilaabadani ay tahay mid looga soo horjeedo ku dhaqanka sharecadda
islaamka, ayna wax ka soo maleegeen dalalka reer galbeedku,waxaa jira kooxo
aqoonyahano u badnaa iyo ciidamadii hore ee qalbka sida, oo arinkaa niyad
jab weyn ka muujinayay, dareenkooduna uu ka damqanayay in ciidanka ithopia
ay iyagoo hubkooda wata ku dabaashaan xeebaha banaadir,
Si kastaba dhacday, waxaase soo kordhay,baa la oran karaa, in lagu hardamo
caasimadda ,ayna geeriyoodaan,dhaawacmaan ama la barakiciyo, shacab rayida
oo aan waxba galabsan, ka dib markii lagu dul dagaalamay,waxaana [ceeryaamo
ka timi halkii caad laga filayay] waxaase marka la isku soo xooriyo la oran
karaa waxaa iska badalay, desembar to desembar muqdisho nabad aan la ogeyn
danta laga leeyahay,ayaa waxaa badalay dagaal aan la ogeyn halka uu ku
danbeyn.!!!
FG TANI WAA ARATIDEYDA.
Wariye C/Qaadir Mohamed farah Dulyar
Hadhwanagnews Reporter
Mugadisho, Somalia
dulyar23@Gmail.com |
No comments