QORMO:- BIR YAHAY MEESHAADI GAL..!!! WQ/- Abdulkadir Dulyar

=BIR YAHAY MEESHAADI GAL..!!!

-------------------000---------------------

.

Waa Jenaraal hore oo iminka howlgab ah kuna sugan JIGJIGA, haseyeeshee waxbadan ka og wixii la soo maray, sidoo kalena mudo dheer u soo taagnaa inuu baraarujiyo bushadiisa oo ah bulsho dhan walba ka burburtay oo ay dagaalo iyo Hogaan xumo ragaadisay iyaduna aan dhexdeeda isogoleyn oo aan israbin

Hadaba maalin maalmaha ka mid ah ayaa isaga oo meel fagaare ah ka khudbeynaya waxaa mecrafoon kii ku qabsatay qof dumar ah oo goobta joogtay kuna tiri. ADEER NASII MICROFONKA MAALIN WALBA HA HEYSANE ...

-Odaygii wuxuu ku yiri ..HEBLAAY .SEED ODHAN ?

=Waxey ku tiri :- WAAN KU HADLEYNAA..

Intaa kadib, Madashii baa durba guux xoog lihi ka dhex bilowday oo hablo Odayga ku reer ah ayaa u nuux nuux saday inay Inanta wax yiraahdaan ..

Balse Odayga oo waayo arag ah ayaa durba dareemay sida wax u socdaan, wuxuuna dumarkii ku reerka ahaa ku yiri HABLOOW DHAQDHAQAAQA DAAYA HEBLA ANIGAA ISAGA FILANE .

Dabdeed dadkii golaha fadhiyay ayuu ku yiri halkaas maxaa taagan ,?

=Waxey yiraahdeen Baabuur.

-Wuxuu ku yiri baabuur kaas hadeynu wada furfurno oo aan birba meel dhigno mid yar iyo mid weynba oo aan meelo kala duwan geyno miyuu soconayaa?

-MAYA ayey yiraahdeen.

=Hadaba Inantani waa bir ka mid ah gaariga kamana maarano oo waynu u baahan nahay ee sidaas u ogaada., Inantiina wuxuu ku yiri HEBLAAY BIR BAAD TAHAYE MEESHAADI.GAL.... oo uu ulajeedo halkii aad ka soo kacday fadhiiso oo door kaaga sugo..".....CAJIIB"

Wuxuu markale dadkii golaha fadhiyay ku yiri, Ogaada Qof walba waa noo muhiim kamana maarano lkn qofku meel buu ku fiican yahay oo uu ku firfircoon yahay hadiise qofku intuu meeshiisa ka soo baxo oo uu meel kale galo ma socon karno waana waxa aan asaageen uga harnay, ee Bir yahay meeshadi gal markaas ayaan socon karnaaye, ....... ka baxa Siyaasada aad is wada dultubteen, joojiya isdiidada dhexdiina ah oo is ogolaada, diida wixii eydnaan rabin, Madaxdiinana ixtiraama, lkn Madaxda beenta halaga daayo oo runta ha loo sheego, si aan horumar u wada gaarno..!!!

Dabadeed Odaygi markii uu gurigiisa ku laabtay waxa uu dhacdadan ka tiriyay Gabay dheer oo ay Tixahaani ka mid yihiin.:-

-Hadaan midba halkeedi lagalin, Matoorka birihiisa,
-Inkastoo makaaniku ku rogo, gaariga muftaaxa,
-Waa maya in uu dhaqaaqo, oo kaco matoorkuye..!!!

Hadalka uu Waayo aragaasi kula hadlay dadkiisa, Aniga wuxuu igu reebay saameyn weyn waayo ciladda iyo cudurka heysta bulshadeyda, ayaa ah qof meeshii uu ku fiicnaa ka soo baxay oo meel kale oo uusan ku fiicneyn dhex taagan, sida Umad wada Siyaasi ah, Umad wada Falanqeeyayaal ah, Umad wada Doctor ah, Umad wada Suxufiya , Umad wada jeneraal ah, Umad wada Culimo ah, Umad.........Umad..........Umad...........sidaa daraadeed waxaan oran lahaa BIR YAHAY MEESHAADI .GAL ,si aan horay ugu socono.!!!

============DH.A.M.A.A.D.=============

WQ/- Abdulkadir Dulyar

Muqdisho

QORMO:- BIR YAHAY MEESHAADI GAL..!!! WQ/- Abdulkadir Dulyar

Abdulkadir dulyar Monday, November 26, 2018

KAFTAN TIME:- MASHRUUCA XAAQXAAQOW.!!!. WQ/- Abdulkadir Dulyar

KAFTAN TIME:- MASHRUUCA XAAQXAAQOW.!!!.
==============000========000=============
Maal mahaan sida aan la wada socono waxaa beledka ka socda sheeko la yiraahdo XAAQXAAQOW. waxaa Alifay F&KH waxaa maalgaliyay W/Maaliyada , waxaa Laxanka saaray G/Banaadir & Wasaaradaha, waxaa isku dubariday Abwaan Guure, waxaa ka heesa Fanaaniinta Hobolada Waaberi, waxaa faafiya oo na soo gaarsiiya Warbaahinta Dowlada & tan madaxa banaan..

Hadaba sida ay dadka qaarkood  weli xusuus taan   Mowduucii kan ka horeeyay {Xiligii Dowlada Kacaanka} ee 70-meeyadii socday lana oran jiray 'ISKAA WAX U QABSO' waxaan lagu   dhisay dalka intiisa badan sida Dugsiyo waxbarasho, Cisbitaallo, Hoteello, Waddooyin, Wasaarado, ilaa bacaad celinta Shalambood, dhamaan howlahaasina waxay ahaayeen kuwa  muuqday welina muuqda  lana wada ogsoon yahay dhaxalkii & mirahii laga gurtay.

Aan u soo noqdo Mawduuc ceenii XAAQXAAQOW, horta waa mid ku kooban gudaha Tiyaatarka oo sida aan la socono waxaa halkaas taga maalinba koox, sida Koox madax ah, kuwa shaqaale ah, Kooxda gaagaaban, kuwa dhaadheer, kuwa aqoonta leh, kuwa jaahiliinta,kuwa kuuskuusan, kuwa qafiifka ah, kuwa Sawirada jecel iyo qaar kaloo badan, waxay kooxahaani isku bedbedalaan 14-Jaakad, 12, Badiil, 13 Sakeello, 8 Koofiyadood iyo labo kaariko oo caro ah oo ay  W/Maaliyadu halkaas geysay, kooxiba maalin bey  meel ka qaadaa oo  meel kale oo isla Tiyaatarka dhexdiisa ah geysaa,

Hadaba MUUDEY IYO MACALOW oo ka mid ah Odayaashii berisamaadka Tiyaatarka ku daawan jiray Riwaayadaha ayaa maalin dhaweyd isku helay maqaayad waxayna ka wada sheekeysteen arinta Tiyaatarka & XAAQXAAQOW, waxaana hadalka bilaabaya Oday Mudey .

=MUUDEY:- Sxbow maal mahaan beledka xaaqxaaqoow aa ka socdee unuka goormaan ka qeyb galeynaa hadaan nahay Odayasha Xaafada.

-MACALOW:- Horta aan kaqeybgalno maxumee lkn howshaan matahay tii aan arki jirnay ee ISKAA WAX U QABSO oo kale?

=MUUDEY:- Oday macalow adina waxaan kaaga yaabi aduun yadaba war ma uheysid.

-MACALOW:- runtaa waaye Sxbow Wlhy XAAQXAAQOW gaan oo Tiyaatarka lee soodhaafeyn sida kaltankii Farmashiyayaasha  aanba fahmi la'ahay Aniga .

=MUUDEY:- aan ku fahamsiiyo widaayow, Horta Aniga & Adiga intii aan  lakala haadin Tiyaatarka oo dhisan oo qurxoon ma ku fiirsaninoo Riwaayado badan sida, IF & AAKHIRO, oo hal habeen lee anagoo dhex fadhina tiyaatarka manalageyninoo Aduunyo & Aakhiro dhexdooda .

-MACALOW;- haa Nacam runtaada waaye .

=MUUDEY:- hadana habeen kaleeto ma ku fiirsaninoo Riwaayadii WAA MAADEYS ADUUNYADU DADKUNA WAY MATALAYAAN iyo tii kaleeto oo la dhahaayi SHARAXII LATUMAY SHEEKO AA KA DAMBEYSAY & kuwa kaloo badan.

-MACALOW:- haa nacam waa xasuustaa weliba Aduunyo oo dhan aa hal habeen naloo sawiray lkn markiin ka soo baxnay tiyaatarka waxaas oo dhan sheeko ley isku badeli jireen maahinoo. .

-MUUDEY:- Sax waa i fahamti, hadana sidii cml lee waaye, waayoo 3 bilood aa Tiyaatarka la xaaqxaaqooyaa waxaana lagu dhexdhisay 19-ka degmo ee Gobolka Banaadir, hadana waxaa la sii marooyaa intana G/Sh/Hoose dhankaan kalena waxaa la sii dhaafooyoo Buulaburde, marka qorshahaan wuxuu ku dhamaan doonaa sida aan u jedo iyada oo dalka oo dhan lagu dhexdhisay Tiyaatarka gudihiisa.

=MACALOW:- oo hada ma waxaad i leedahay XAAQXAAQOW waa Riwaayad dadka lagu hanuuninaayo laguna barayo sida ay dalkooda u dhisan lahaayeen mustaqbalka ee ma aha mid hada wax lagu dhisaayo saas Cml miyaa .

-MUUDEY:- Adi Oday maclow warka badan iska dhaaf dadkaaga dhinac ka raac .

=MACALOW:- lkn mafiicneynoo in xaaq xaaqow-gaan oo iska socda Almiino lagu bedalo wado dhisow.Iskool dhisow, Hospitaal dhisow, Ceel qodow, IWM

-MUUDEY:- Shib iska dheh dhismo waxaa ka horeeya Daacadnimo, Cadaalad , Amni  iyo waxyaabo kale ee yaan adi lee lagu weydiinine  Oday Maclow majoogtidoo.

=MACALOW:- haye wedaayow warkaas waa cad yahay, waana ku mahadsantahay Sxbow  sida fudud ee aad ii fahamsiisay arinkaaneyto oo dalkeena lagu dhisaayo.

-MUUDEY:- waa koo hee Nabadaa gal.

=MACALOW:- haye saas hanoo ahaato Sxb Nabadeey mana is arkin labadeena yaa........!!!.

===============000==============000=============
FG/- Qoraal keygu ma aha mid xumaan xambarsan, waxa uuse macna weyn u sameynayaa qofka garan kara duluc deyda ama halka uu ku aroorayo, balse waxaa si qaldan u fahmi doona kuwa iyagu dhawaangalka ah ee xuurtaysan.!!

=SOOMAALIYA HA NOOLAATO=

NB/- WAA ARAGTI DEYDA GAARKA AH.=

=Mahad Sanidiin/=

WQ/- Abdulkadir Dulyar
Muqdisho

KAFTAN TIME:- MASHRUUCA XAAQXAAQOW.!!!. WQ/- Abdulkadir Dulyar

Abdulkadir dulyar Saturday, November 24, 2018

WARBIXIN:- Waxaad Qarsato Waa Ku Qurun Sadaan. —-Qalinkii Dulyar

Saakay waxaa ka dhacay Magaalada wixii ka dhici jiray oo ah Qarax, jugtiisana intii u dhaweyd iyo intii u dhega fududeyba waa la wada maqlay, waxa uu sababay qasaaro nafeed iyo mid hanti, weliba sida aan maqlay Masaajid & Arday dugsi Quraan iyo Macalimiin toodii ayaa waxyeelo ka soo gaartay, inta ku dhimatay AUN inta ku dhaawacantayba Allah-ha bogsiiyo Aamiin

Intaas kadib, Halkii lala imaan lahaa ficil looga wada hortagayo dhibaata dan joogtada noqotay ama sidii nalaku yaqaanay aan Hay’adaha ku shaqada leh wax ka saari lahayn, ama hadii aan labadaasba la awoodin inta shib laga yiraahdo laga Alla baryi lahaa,waxaaba lala yimid riwaayad kaloo cusub.

Bal eeg Sxbadii Facebook wax soo dhigi jiray waxa ay ku kala qeybsameen Qaraxii saakay dhacday, ogow ma aha muranku sabata iyo qasaaraha ama tirada dadka ku waayeeloobay ee waa ged kaloo cusub, horta qeybi waxa ay la soo degdegtay Fiiri Sawirka 1-aad ee Qaraxa, …..halka qeybta kalena ay jawaab uga dhigtay Sawiro qurqurxoon oo Muqdisho ah Fiiri Sawirka 2-aad . Mana aqaan sababta iyo ujeedada ka dambeysa sheekadaan cusub iyo cida loogu kala daneynayo..

-HORTA ANIGU YAABAYE Dadka Muqdisho amaanta beenta ah ka sheega iyo kuwa Muqdisho xumaanta aan ka jirin ka sheega yey u shaqeeyaan labadaas kooxood ? …..MOOYI

Ugu dambayn, Ma u malayneysaan Dadka dhib dhacay soo warintiisa ku kala qeybsamay in ay nabad iyo wax wanaagsan isku raacayaan WAA MAYA …Fadlan Dhibka qudhiisa & Muqdisho ciyaarta halaga daayo .

MAXAA YAAB IS DABA YAAL………..

Mahad Sanidiin /=

Abdulqadir Farah Dulyar

M.U.Q.D.I.SH.O./=

WARBIXIN:- Waxaad Qarsato Waa Ku Qurun Sadaan. —-Qalinkii Dulyar

Abdulkadir dulyar Friday, November 16, 2018

QEYBTA 7AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.!! WQ/-Dulyar

QEYBTA 7AAD:- 

-Sxb haye shalay adigoo walaacsan baad iga tagtay ee ii waran,

-Haa Sxb Wlhy waxaan ka walaac sanahay Agoonta Ciidanka Booliska oo maalin walba ku soo badaneysa xeradeena.

-Sxb inta  ay Qaraxyada & Argagixisadu ka jirto dalkeena Agoontu meel walba waa ku badaneysaa ma aha mid ku kooban Ciidanka Booliska oo kaliya.

-Waa runtaa balse Inshallah mar unbaan ka bixi doonaa, ee Sxb waxaan ku weydiiyay Aniga Saakay waxaa layga rabaa Hees guubaabo ah in aan ardayda usoojeediye sxbow ila tali maxaan sameeyaa ?.

-Taas maa dhib leh Waxaad u qaadaa noo Heeskii Wadaniga ahaa ee AUN Abwaan cabdi bashiir IndhaBuur ee ARLIGAYGOW ,...In aan kuu adeegoon,.... Cadow kaa ilaalshoo, ,,,,,Aayaha ka taliyaan, .....Axdi kuugu marayaa Arligaygow..

-Sxbow Aniga Heesaha iskuma fiicnine shib iga dheh, lkn iskadhaaf waxaan u qaadaa Mid Carabi ah oo College-ka hada ka hor la iigu soo dhigay.

-Carabi aa !!! war yaan lagaa maqlin !!!!!

-Hee maxaa jirana !!!.

-Waxba,.... balse Askartaan Carabi mayaqaanaan ee armeey u maleyaan Nashiidooyin-ka ay qaadaan een..een..kuwa kale iska faham.!!!

-hhhhhh Haa waan fahmay  waana macquul lkn Af Soomaali-gana waan  ugu siifasiraa haye .
-Waa OK markaas , haye hade  is diyaari hee waa la soo gaaray Safkiiye,  meeshana naga tiiri adiga lee waaye ,,,.
-WIILKII:-  WAXA UUQAADAA  HEES AF CARABI AH..

-WAAAW .........waad ka baxsatay Saaxiib .

-Mahadsanid, lkn Heeskan waa mid ka hortagaya ka Been sheegida Diinta iyo dadka aan waxba galabsan oo la halaagayo.

-Haa sax Aniga waan fahmay, .....Haye ardayda saaxibayaal waad fahanteen sow maaha 

-ARDAYDII ;- HAAAA HAAA 

-ha loosacbiyo hee Sxbkeey.......

-ASKARI AGTAAGNAA ARDAYDA AYAA KU YIRI :- Aamusa !! Aamusa,!! waa maxay Wiilkaan waxa uu qaadayay ma Anagaad noola timaadeen wxii ay kooxaha kale bari jirtay caruurta, Istaaga kuligiin.

-WAA LA WADA ISTAAGAY.!!!

-ASKARI:- Waxaan idiin sheegayaa maanta kadib Carabi idinka oo ku heesaya la idinma arki karo ogaada hadaba.

-ARDAY AYAA FARTA TAAGAY- Lkn Taliye Heeska hadii Carabi lagu qaado iyo hadii Af Soomaali lagu qaado ama Af Engilish lagu qaado waa isku mid ma ogid miyaa.

-ASKARI;- Waan ogahay lkn halkaani waa Xero Ciidan idinkuna waxaad tihiin Agoontii Ciidanka marka hadii nalaku arko idinka oo carabi ku Heesaya waxaa suurtagal ah in nalamoodo Anaga Iyo kuwa kale inaan si isku mid ah caruurta wax u barno, marka waxaas halkaan lagama ogala hadana kala taga waxaa la gaaray Qedadiiye.

-Haye Sxbow ka waran hee maxaan hadaatay kuu sheegay Askartaan carabiga ma yaqaan naan ma ku dhihinoo.

-Walaahay yaab waaye, Sxb qedo xataa ma doonan kari maanta waan iska seexanaa ee Nabadeey.

-Alla Sxb ha seexan Adiga oo aan qadeyn, meeshaan Hooyo-na makuu joogto wax kaa naxaayana malaha ma ogidoo, walba Aniga ayaa kuu soo qaadaya ee qolka sii tag.

-Haye Sxb Mahadsanid. Nabadeey ......

..................LA SOCO QAYBTA XIGTA INSHALLAH ...........................

=================000=============================000=====================

NB/- Sheekadan waa mala'awaal 

WQ/- Abdulkadir Dulyar 

M.U.Q.D.I.SH.O.

QEYBTA 7AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.!! WQ/-Dulyar

Abdulkadir dulyar Thursday, November 15, 2018

QEYBTA 6AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.! WQ/-Dulyar

PART 6:- SHEEKO MALA AWAAL AH OO DHEX MARTAY 2 WIIL OO AGOONTA BOOLISKA AH.!

-Sxb haye sheekadii aan shalay kulahaa waan sooxusuustay hadda ma kuusheegaa?

-Haa Wlhy ,,,ii sheeg Sxb waaba kaa sugayee...

-Horta waxaan ku weydiiyay Ciidanka Booliska oo aan Anagu ka mid nahay meeqa dhar buu leeyahay?

-Ciidanka Booliska hal dhar lee leeyahay oo lagu yaqaano, lkn waxaa jira kuwa Daraawiishta la dhaho oo dhar kale qaata.

-Lkn maxaa waaye hee Taliyayaashaan oo hada horteena fadhiya ma Ciidamo kaley ka tirsan yihiin ?

-Maya waa saraakiishii Booliska.

-Waaba yaabe Ani maa waalan marka , bal dharkooda si fiican fiiri meeqa nooc waaye.

-Iisug bal, waa Madow ,Kaaki, buluug, kafee Cadaan, xataa Kaakiga waa kala duwan yahay WAH WAH ..WAH.

-Haye waxaan kuu sheegaayo waxaas waaye.

-Haa hadaan gartay lkn Anaga maxey Kaaki bes iyo koofidaan dhuudhuubka ah noo siiyeen marka.?.

-Waxaan umaleynaa in iyagaba ay Dowladu haldhar siisay sida BOOLISKA oo KAAKI ah iyo DARAAWIISHTA OO MADOW AH. ee inta kale kuwaan iyagaa suuqa ka soo iibsaday,

-Oo ma suuqaa lagu iibiyaa dharka Ciidanka .!!!!!!

-Haa ma ogid miyaa , xataa Garaadaha Askariga marka la dalac siiyo suuqa ayuu ka soo gadanayaa..

-Hadey sidaa tahay Sxbow, hooya deey aan la hadlaa ,Adigana Hooyadaa la hadal, kuwaas Cml suuqa nooga soo iibi aan ku dhaheynaa, xataa Garaadaha Aabaheey ii soo iibi aan dhahaa, markey saraakiil shaan noo yimaadaan ha yaabaane.

-Iyaa Aniga maad dambi i galin rabaa Sxbow.

-Maxaan dambi ah iyagaba dharkaas oo kale waa wataane, garaadahana hadey na weydiiyaan waxaan ku dhaheynaa waa kuwii Aabayaasheen iyaga maa noodiidi kara.

-Waraa waxaas waa la iiga daran yahay ee, ma ogtahay in Agoon cusub nalaku soo dari rabo.

-Oo maxay yihiin kuwaas?

-Adiga ma ogid miyaa mar kasta oo Qarax dhaco waxaa ku geeriyooda Askar Boolis ah caruur tooda intee kaloo lageynaa.

-Haa waa runtaa Sxbow. lkn Anaga qolkeena waa buuxaaye mise Anagaa nalaku badeli rabaa kuwaas?.

-YAA OGHEE....Anagaba waa buuxaaye ....... lkn qofkii maqan lee lagu badelaa maahinoo.. Nabadeey sxb .

-Haa Sxb, sida kuwa badan oo aan ogahay oo aan xeredaba imaanin haye ....... Nabadeey hee ....Maanta walaac aadba igu abuurtaye ...!!!

.-NABADEEY .....!!!!

-NABADEEY......!!!!

===================000=================000=================000=======

FADLAN ..LANA SOCO QEYBTA XIGTA.

Waxaa mala awaalay sheekadaan

Abdulkadir Dulyar

M.U.Q.D.I.SH.O.

QEYBTA 6AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.! WQ/-Dulyar

Abdulkadir dulyar Wednesday, November 14, 2018

QEYBTA 5AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.!!! WQ/-Abdulkadir Dulyar

PART 5:- SHEEKO TAXANE AH.!!!
===========000=============

-Sxb haye Aniga maanta kor aa ley qaaday ma arkeynoo.
-Haa Lkn Adiga ayaa noogu yar ma ogid,  saasaa laguu qaaday noo.
-Sax, waa ii dhacatay, Lkn Taliyaha madaxa Cadka ah oo ookiyaalaha wata waa ninkii xeredaan noo dhisay ma noo dedaalinoo.
-Waa runtaa, Lkn Anigana markii uu nooyimid kii Dheerka ahaa oo dharka madoowga ah watay waxaan dhexgalay Gaari giisa, kaalay iska arag qabow raaxo raaxo uu ahaa, waxaanba damcay inaan isaga dhexjiro, lkn kuwa ciidan kiisa ah ee isaga la socday aa iga soodejiyay, Ciil ay igu dileen kuwaas Wlhy hadaan weynaan lahaa feer aan ku bilaabi lahaa hhh
-Sxbow maxey dowladu u sameyn weysay wasiirka Agoonta oo weliba Aniga la iiga dhigi waayay aan Gaarigaas oo kale ku socdee, xataa habeenkii isagaan dhex seexan lahaa haye Sxb.
-hhhh War gaariga habeenkii lama dhex seexdo, maxaad u maleysay Madaxda guryahooda xataa saaneey u qabow yihiin.
-Hay.. Iyaga qabow lee may ku shaqeeyaan, waraa  kuwaas waaba raaxeysteene, maxaa marka Anagana qolal keena kuleylka ka dhigay oo ay qabow nooga dhigi waayeen Sxb.
-Wah..Wah..Adiga maxaad isku maleysay Gurigiinaba jiingad lee ma aheynoo,maxaad isaga dhigeysaa kuwaas Cml.
-Haa laakiin hada gurigeena ma joogno oo Ciidanka Boolis kaan ka tirsan nahay ma ogidoo, marka sow xaq uma lihin in qolalkeena ay qabow noqdaan si aan ugu nasano maadaama aan maalintii oo dhan meelo kuleyl ah tababarka iyo casharada ku qaadano Sxb.
-War meeshaan axsaankaas ma yaalee, ma arkeysay markii safka la soo galay inaan Anigana ka qaatay Taliyaha Koofida ,
-Haa waa u jeeday.,!!
-Haye qatar ma ku aheynoo, waxaaba ley maleynaayay inaan Aniga taliyihiina ahay haye.
- Haa laakiin taliya markii dambe wuu kaa qaatay koofidee inuu kuu dhaafo maad rabtay hhhh.
-Haa Wlhy inaan isaga kaabeeyaan rabay hhhh,
-Anigana u fiirso maalinta kalaan ka qaadanaa ha igu qabsanin yaa.......
-hhhhh, Haye, laakiin Sxbow wax baan soo xusuustay ee ma kuu sheegaa.
-Maxaa waayana.!!
-Lkn iska dhaaf hada indhahaa badane biri aan kuu sheegaa ee Nabadeey.
-Haye Sxb Nabadeey Nabadeey.!!!!!

=================000=======================000==========================

FADLAN ...LA SOCO QEYBTA XIGTA INSHALLAH...............!!

Waxaa mala awaalay /- Abdulkadir Dulyar

M.U.Q.D.I.SH.O.

QEYBTA 5AAD:- SHEEKO MALA'AWAAL AH IYO 2 WIIL OO AGOONTA BOOLISKA AH.!!! WQ/-Abdulkadir Dulyar

Abdulkadir dulyar Tuesday, November 13, 2018

QEYBTA 4AAD :- SHEEKO MALA'AWAAL AH IYO 2 WIIL OO AGOONTA BOOLISKA AH @WQ/- Abdulkadir Dulyar

PART 4 SHEEKO TIME:-

-Sxb haye hadaan firaaqo heysanaaye su'aashii maad iiga jawaabtid.
-Maxeey ahayd su'aashu?
-Wah....Wah....ma ilowdana su'aashii shalay galab markaan casheyneynay aan ku weydiiyay ee aheyd Anagga Wiilal baan nahaye gabdhahaan maxaa xerada loogu soo xareeyay?
-Haa ....Hadaan sooxasuustay Sxb, lkn sow ma ogid in Ciidanka booliska ay gabdho ku jiraan weliba qaarkood ay taliyayaal yihiin.
-Haa lkn kuwaas waa gabdho waaweyn sow maaha.
-Kuwaana hadaa loo tababarayaaye yeysan ku maqal gabadha taliyaha ah, walaahay in 21 Cisho inta lagu xiro ,subixiina BT lagu ordisiiyo aa hadana Habeen kiina HINDI DEG lagu dhihi doonaa ma joog tidoo ?
-Maxaa waaye waxaas oo dhan oo ciqaab ah Aniga su'aal leenba kuweydiiyaye...
-War waxaas iska dhaaf ee HEES kii shalay naloo diray in aan soo xafidno ma ka bixi kartaa?
-Sxbow Heeska inta dambaa idhibtay wlhy oo aan xafidi waayay.
-Aniga waa wada xafiday ka waran hee,
-Car ka soo bax waa kaase.
-CIIDAN KEENA XUMI IYO,
GEFKA WAA KA XALAN YAHAY,
XAM XAM LIYO AFMIIN SHAAR.
XUBIN KAMA AHAAN KARO,
XAASID KIYO DANAYSTUHU,
XUBIN KAMA AHAAN KARO,
XORNIMADA ILAALSHAA
LOO XULAA,
KAAN KAXIIQIN HOWSHAA ,
LOO XULAA,
XILKAS IYO MADAALAA,
LOO XULAA,
KANXAFIDA XAJIYA BARNAAMIJ KOO,
XOG SADA TUSAALAHA,
XOGHAYE HEENU INA YIRI ,
AYAA CIIDANKEENA,
XARIGIISA QABAN KARA,
CIIDAN KEENNA ,!!!!

-Waraa qatar aa tahaye,Aniga inta dambe lee i dhibtay oo aan qaban waayay
-Adiga intaad su'aalo dadka ku wareerineysaaba waqtigii ku dhaafee...Kan maxaa la yiri.........Adeeradaa soo weydii.. gabdhahaan maxaa inta loogu soo xareeyay.....macalimadaan maxey qabataa ...Quturuf quturuf quturuf ......war leeba kaa soo haraye,
-hhhhhhh Haa Sxbow beentaa maaha Wariyaanba ku fiicnaan lahaa sow maaha .........Askari bilaash bey iila soo aadeen, lkn hadaan soo xafidaa ee Nabadeey.....
-Nabadeey Nabadeeey Iga tag waa i wareerisee waa inoo biri inshallah.

.......LA SOCO PART 5 ....INSHALLAH 

WQ/= Abdulkadir Dulyar 

Muqdisho/= 

QEYBTA 4AAD :- SHEEKO MALA'AWAAL AH IYO 2 WIIL OO AGOONTA BOOLISKA AH @WQ/- Abdulkadir Dulyar

Abdulkadir dulyar Monday, November 12, 2018

QEYBTA 3AAD:- SHEEKO MALA'AWAAL AH IYO 2 WIIL OO AGOONTA BOOLISKA AH@WQ/-Abdulkadir dulya

QEYBTA 3AAD SHEEKO TIME:-
---------------------------------------------//=
-Sxb galabta Qaraxyo ayaa dhacay ee intii ku dhimatay Allaha u naxariisto,
-Aamiin Sxb, lkn Saaxiibo deen qaar wax ku gaareen ma maqashay ?
-Maya Sxb ma maqal wax dhib ah dhamaan toodna waa soo wada xeroodeen galabta,
-Waa Allah mahadsiis .
-Haa Allah ayaa naga badbaadshay, runtii waxaaba fiican inaan dhahno Mocalimiinteena Anaga khamiis dambe guryaheena ma aadeyno xeradaan iska joogeynaa haye Sxb..
-hhhh Yaah fulay waa cabsatay haye......
-Haa maxaan u cabsan waayay lamiyadaan qatar waayee.
-War waxaas iska daaye ii waran hee Su’aashii Adeer yaashaa ma weydiisay ?
-Waraa war ma kuu sheegaa aan kaa casheeyo yaa
-Maya intaan casheyneyno ii sheeg noo....
-Sxbow waan weydiiyay lkn maxaa iga raacay ma taqaanaa hee.....
-Hee maxay ku dhaheen.!!
-Wlhy horta Aniga ayaaba su’aalo laygu wareeriyay, oo inta lay qabtay baa leysku key dhii-dhiibay baa leygu yiri.....Horta Adeer  xerada maxaa leydinku baraa? .... Yaa wax idin bara.?........Madaxweynaha iyo RW iyo ma idiin yimaadaan.?....Maxaa leydiin sheegaa..... Cunto fiican ma cuntiin?......Ma Gaardisiin..... Mid baaba iska dhahaaya war Wiil kan armuu xeradaas ku halaabaa oo ay fiican tahay inaan ka deyno oo aan waxbarasho kale u raadino .......,,,,Yaab...!!!!! xataa su'aashiiba mala iiga jawaabin.
-Maxaa waaye lkn Adeeryaashaa waaba kugu dhooreeyeene
-Waraa Adeeryaasheey wax haka sheegin yaa... walaahay waan kaa xanaaqaa......
-Haye bes bes Sxb waa kula kaftamaayay lee...
-Adi waxaan ku weydiiyay hadaad weynaato maxaad rabtaa inaad noqoto?
-Aniga waxaan rabaa inaan noqdo sida ma arkinoo Taliyaha madowga ah oo dheer oo noo yimaada galbihiii sidaas oo kale inaan labo baabuur ku socdo ,Bastooladna inta ku xirto, oo marka aan soconaayo ay ciidama daydu horteyda iyo gadaasheydaba socdaan oo intaan Halow Halowga gacanta kuqabsado aan qatar qatar iska dhigo , weliba ma arkinoo ciyaalka Bajaj-Ta ku daba dhega oo dhan aan soo xirxiro.
- hhhhhhh Aniga waxaan rabaa inaan Sida Madaxweynaha aan 24 Saac Suud xirnaado oo isjaaka jaakeeyo oo weliba meelo qurux badan fadhiisto oo dadka dhan xitaa gaalada ey iyaga lee gurigeyga iigu yimaadaan , Adiga xataa madax aan  kuu noqdo makaa reyninoo mac Sonkor dheh hhh
-Haa lkn Anagga Ciidan leen ka hadleynaye Adiga maxaa waaye Madaxweyne iyo wax kalaad nala aadee.
-Hakugu taagnaato hee Sxb hhhhhh
-Xalaacaleyk waan kaa aarsan doonaa Anna ..
-Lkn Fiiri...Fiiri sxb horta Anaga Wiilal baan nahaye maxaa Gabdho haan oo buuqa badan leh oo meeshaan loogu soo xereeyay?
-Waraa sheeko daas waa dheer tahay yaa Galass kiina waa la gaaray ee nabadeey..
-Haye By By waa inoo biri Sxb .

..

 .......LA SOCO QEYBTA 4AAD INSHALLAH....

WQ/- Abdulkadir Dulyar

QEYBTA 3AAD:- SHEEKO MALA'AWAAL AH IYO 2 WIIL OO AGOONTA BOOLISKA AH@WQ/-Abdulkadir dulya

Abdulkadir dulyar Friday, November 9, 2018

QEYBTA 2AAD SHEEKO MALA'AWAAL AH IYO 2 WIIL OO AGOONTA BOOLISKA AH@WQ/-Abdulkadir Dulyar

PART 2 - SHEEKO TIME :0 

-hhhh Haa ishaan ku xaday Sxbow lkn Ninka Anaguuba na soo fiirinooyaaye.
-Haa waa waxa aan la yaabay Aniguba hh
-Lkn sidee qof shacab ah Anagoo Ciidan ah oo xeradeena joogna noo kuur kuuri karaa?
-Armuu Wariye yahay oo uu war lee naga qaadi rabaa ma ogi,

balse intey doodaas ku jireen ayay soo galeen Hool kii hanuuninta oo ay ka shidan tahay Heestan....

HEES:- QABYAALADA !! KOOXDA HEEGAN
-Qabyaalada waa lagu cuuryaamaa,
-Qabyaaladda waa lagu coloobaa
-Cilad weeye baasoo waaba
-Waaba cudur la neceb yahay...........

-Horta Heeskaan maxaa maalin walba Anaga nalookugu shidaa?
-War sow ma ogid Heeskan in uu Qabyaalada iyo qudhunkeeda ka hadlayo maadaama aan nahay Ciidan Qaranna loo baahan yahay inaan ka fogaano.
-Haa lkn Sxbow Aniga Hooyadey maadaama uu Aabahey dhintay Anigoo yar waxay mar walba i xafid siisaa Qabiilka aan ahay si aan hadhow ugu abtirsado, xItaa khamiis kasta marka aan guriga tago sida loox Qur'aankii Cml ay i leedahay ka soo bax hee ............Turururururxiii
-War horta Anigaba waan kaa qarinayee Ilmaha Agoonta ah oo dhan maxaa Qabiil kooda looga daba wadaa iney bartaan, ma iney hadhow ku qaraabtaan baa la rabaa , Anigaba kuwa adeeradeey ah oo aan Jimco yaasha qaar u tago waxaas leey ii sheegaan ..MA OGTAHAY INAAD REER QUFUL TAHAY ... OO FURE KA SII TAHAY ..BALAA BALAA YAAB.Anigana shaxaad leen ka rabaaye HAA HAA leen iska dhahaa waana ka soo tagaa hhhh
-Ar Anaa sheeko kuu haya Adeeradaa Jimcaha dambe markaad u tagto waxaad weydiisaa ADEERYAAL AABAHEEY ISAGA OO QARANKA DIFAACAYA AYUU DHINTAY ANIGANA HADA QARANKA AYAA IDARYEELA EE , IDINKA HORTA AGOONTII AABAYAASHOOD AY DHINTEEN IYAGA OO QABIIL KEENA DIFAACAYA MEEL MA KU XAREYSEEN?. car intaas lee weydii
-Haaaaa Sax ....Aad iyo aad mahadsanid Sxb su'aal cajiib ah ayaad maanta ii keentay runtii, Jimacahaan aan soo weydiinaa waa balan.
-Waayahay Sxb waxeey ku soo dhahaana ii soo sheeg yaa.
-Haye Lkn Adigana hadaad maskax daan heyso maxaad Maama daadana su'aal mariid ah ugu diyaarin weysay horta hhhhhh
-Iyaa in lay bac dhabo maad rabtaa Adiga Adeeryaashaa waaye ma ku dilaayaan .......war Agoonka dhaafa ay ku dhahaayaan, hadey u badatana waa kugu qosqoslayaan lee lkn Aniga hadaan Su'aal Aakhiraad kaan cml ula tago Maamada maba iga yeeleyso lkn iisug Adi basar basar aan u galinaa u fiirso hhh
-Haye sxb Qedadii waa la gaaray yaa fakatax kamaa fatuura
-Lkn ha ilaawin yaa Su'aasha waa inoo Sabtida aniga safkeygaan aadaahe ,
-haye By By By 

WAA SOCOTAA .................... LA SOCO QAYBTA 3AAD ..........


WQ/- Abdulkadir Dulyar 

QEYBTA 2AAD SHEEKO MALA'AWAAL AH IYO 2 WIIL OO AGOONTA BOOLISKA AH@WQ/-Abdulkadir Dulyar

Abdulkadir dulyar

QEYBTA 1AAD:- SHEEKO MALA'AWAAL AH IYO 2 WIIL OO AGOONTA BOOLISKA AH @WQ/-Abdulkadir Dulyar

SHEEKO TIME:-

-Sxboow hada sideeni hore iyo sidaan kee fcn
-Sidaanaa fiican
-Maxay ku fiican tahayna 
-Hada Quraac,Qedo iyo Casho ayaa nala siiyaa,
Waxna waa nala baraa leyn qabow baan ku jirnaa.
-Lkn xoriyaddii aan horay u heysanay oo kale oo aan meelaha isaga warwareegi jirnay kulana dheeldheeli jirnay ciyaalka xaafada heena malaha sow maaha.
-Haa lkn waxaan ku weydiiyay horta maxaa meeshaan naloo kugu soo xareeyay?
-Wlhy dhowr jeer baan amba isweydiiyay taas,Lkn waxaan u maleynayaa xaqii Aabayaasheenii u geeriyooday Qaranka ayaa naloo gudayaa
-Hadey sidaas tahay maxaa dharka Booliska Galabta khamiista ah markaan xaafadaheena aadeyno nalookaga bixiyaa waxaan rabi lahaa inaan ciyaalka xaafad deena ugu soo booteeyee.
-War wax ma ogide ciyaalka xaafad diina xataa qaar baa tababar kale qaata ee iska jir,waana kuwa nalaka rabo Anagu inaan mustaqbalka hanuunimo hhh waad i fahamtay sow maaha?
- Ok , waayahaye horta ma soo arki karnaa Caruurta kale ee Agoonta Malatariga,NISA, Asluubta,Minishiibiyada,Ciidanka Badda iyo Ciidamada kale meelaha lagu xareeyay si aan ula soo ciyaarno.
-War shib naga dheh kuwaas cidiba meel kuma xareyne yaan hadda inta la soo xasuusto nalaku soo darine Wlhy xerada dhan waa isla waalaneysaa hadeey kuwaas yimaadaan hhh
-Hayebo hhhh Lkn Anaga ma Ciidanka Booliska ayaan ka mid nahay hada?
-Haa sow uma jeedid dharka naloo xiray. waxaaba nalaka rabaa markaan weynaano inaan Qaranka u abaal gudno Anagana.
-Aad iyo aad waa ujeedaa lkn waxay ku fiicnaan laheyd in darajadii Aabaheyna la ii xiro oo la iigu daro si aan u kaabeeyo haye
-hhhhhh Adigoo saan u gaaban maad rabtaa inaad Xidigihii Aabahaa laguu xiro
-Haa maxaan u rabi waayay midkoo 2Xarigle ah oo subixii hurdada iyadoo noo macaan tahay na kiciya ma arkinoo kaasaanba ku baac baacsan lahaa Walaahay.
-hhhhh War ninyahow waxaas waa nalookaga daran yahaye waxaan ku weydiiyay dharkeena waa isku eg yihiin iyo Kabaheenee maxaa kuraas teena midabkooda kala badalay
-Wlhy Sxbow hada leenba arkooyaa lkn Adiga indha dheeridaa waxaadba kufiicnaan lahayd kuwa dambiyada baara in lagugu daro, ee na keen Aanaa sheeko xan ah kuu hayee
-Haye na keen hee
- Lkn sug !! sug !! Dhegta keen Ninkaan gadaasheena fadhiya asagoon ku fahmin gees gees u fiiri yaa adaa qosli doonee...ixx xii
-Haye Sxb.......hhhhhhhhhh

Waa socotaa............::LA SOCO QAYBTA LABAAD..........................

WQ:- Abdulkadir Dulyar 

QEYBTA 1AAD:- SHEEKO MALA'AWAAL AH IYO 2 WIIL OO AGOONTA BOOLISKA AH @WQ/-Abdulkadir Dulyar

Abdulkadir dulyar