TUSAALE KOOBAN:- QABYAALADDA IYO DOWLAD NIMADA.!!

QABYAALADA  IYO DOWLAD NIMADA.!!!
------------------------------------------------------------


Tusaale yar oo  kooban: -  Kaba soo qaad Qabiil ku in uu yahay Badweynta. Dowladnimaduna ay tahay Dooni badweyn taas ku dul socota.

=Doonta hadii biyuhu soo galaan dhexdeeda waa u halis inay  qarqanto ( Dagto} ama ay wax yeelo soo gaarto. sida àad  inta badan aragtaana durba dadka saaran doonidu  kuma fiirsadaan  biyaha soo gala doonta ee dibadeey uga saaran.  .
= Sidoo kale doonta hadii ay  ku dul socoto Badweynta  oo aaney iyaduna  ka faa'ideysan kheyraadka badda ku dhex jira socodkeedu waa khaasaaro.

Sidaa daraadeed waxaa muhiim ah  "Doonida oo ah {Dowlad nimada}   in laga ilaaliyo Biyaha Badda  oo ah { Qabyaalada } in ay soo dhex galaan.
Balse taa badal keeda waa in Doonida dadka saaran  oo ah ( Madaxda Dowlada )   ay ka faaideystaan Badweynta    ee ay ku dul socdaan oo ah  ( Qabiilada)   kheyraadka ku dhex jira sida Aqoonyahanada.Haweenka . Waxgaradka. Culimada. Dhalinyarada iyo inta kartida ;eh ee wanaaga jecel si ay dowladu u hesho  awoodaha ay dad kaasi bulshada ku dhex leeyihiin." !!!

MAHAD SANIDIIN/=

Xasuusin murtidii ahayd :-
----------------------------
(Dab iyo dhagax
Layskuma dhiftee
Kala dhowraay,
Wax ka dhigan gobonnimada,
Qabiil dhex galee
Kala dhowraay
Waa is dhinac wadnaa
Kala dhowraay 
Kala dheer labadee
Kala dhowraay. )

Abwaan AUN Cali Sugulle Cigaal “Duncarbeed”

================

WQ/= Abdulkadir Dulyar.
Muqdisho

TUSAALE KOOBAN:- QABYAALADDA IYO DOWLAD NIMADA.!!

Abdulkadir dulyar Sunday, May 13, 2018

SHEEKO DHEXMARTAY ODAYAAL & QURAANJO.!! WQ/- Abdulkadir Dulyar

SHEEKO:-

Hadda ka hor ayaa niman odayaal ah waxa ay Subax walba  ku shaahi jireen ama  ku sheekeysan jireen meel barando ah ama Guriga daaradiisa ah , maalmihii dambe ayaa meeshii waxaa ka bartay Qudhaanjo, taas oo  naftii Alle laheyd u keentay. koob kasta  iyo dhibic kasta oo shaah ahna is dul tubta.
Nimankii  Odayaasha  ahaa si kasta waa sameeyeen,
=Mid baa yiri aynu uga guurno daaradaba, taasi socon maysaa lagu yiri.
=Mid kalaa yidhi Nafto hala wada mariyo barandada oo dhan, saa walley ka tahay joogsan wayday,
=Mid kalae ayaa la soo booday war haba la wada laayo jini la tagta, mise  waaba ka sii dareen,
Iyadoo qaati laga taagan yahay & in looga qaxo Daaradda  ayaa mid ka mid ah Odayaashii waxa uu yiri:- 

SHEEKO DHEXMARTAY ODAYAAL & QURAANJO.!! WQ/- Abdulkadir Dulyar

Abdulkadir dulyar Saturday, May 12, 2018

WARBIXIN:- QAADO LAHAANSHAHA NATIIJADA KA DHALATA QALADKAAGA.!! WQ:- Farah Cawaash

Garoon weyn anigoo ciyaar ka daawanaya maalin ayaa waxaa i dhinac fadhiyay Nin dhalinyaro ah, wuxuu taageere u ahaa Laacib No. 10 xiran. Mar kasta oo Kubad lugtiisa soo gashay uu Gool ku dhalin waayo wuxuu eeda saaraa ciyaaryahanki u soo tuuray isagoo leh baaska ayuu ka gaabiyay ama dhaafsiiyay. Hadii Kubad laga qaato wuxuu eedeeyaa ciyaaryahanada ka soo horjeeda isagoo leh si gaar ah ayay u beegsanayaan. Mar uu offside galay wuxuu eed dusha kaga tuuraa Garsooraha. Mar uu Gool ku laad dhalin waayay, wuxuu eed kulul u soo jeediyay taageerayaasha in aysan dhiirigelin oo si fiican ugu sacab tumin !

Qalad kasta uu sameeyo laacib kaa uu taageersan yahay ma uu rabo in uu qirto wuxuu rabaa in uu eeda cid kale saaro. Mar kasta wuxuu u sameynayaa cudur daar !!

Dad badan waa sidaa. Waxay jecelyihiin in ay cid kale ku eedeeyaan xaaladahooda, guuldaradooda, fashilka soo gaara, qaladka ay sameeyeen. Waxay ka cararaan in ay mas’uuliyada qaataan. Waxay wax kasta u yeelaan cudurdaar.

Gabar ayaa Nin xiriir kala dhaxeeyay xumeeyay, waxay eeda saartay Rag oo dhan! Iyadoo leh nin la aamino ma leh. Nin ayaa Gabar xumaysay wuxuu eeda saaray Dumar oo dhan. Isma aysan oran inta aadan eeda saarin cid kale, maxaad qalad ama dambi ah oo aad adigu sameysay? Ileen wax kasta sabab ayay ku dhacaan Dunidan.

Nolosha ma jirto cid ama qof aad ku eedayn karto dhibka aad ku jirto. Waa adiga qofka gacantaada ku kasbaday. Waa adiga qofka sameeyay doorasho qalad ah. Waa adiga qofka qaatay go’aan xun. Waa adiga qofka runta ka cararay, waa adiga qofka mas’uuliyadiisa aan gudan. Sidoo kale, Waa adiga qofka iska joojin kara cabashada iyo eeda. Waa adiga qofka isbedelka sameyn kara.

Haddaba, Jooji in aad ku eedayso dadka kale xaalada aad ku sugan tahay. Aqbal mas’uuliyada ficiladaada. Qaado lahaanshaha natiijada ka dhalatay qaladkaaga.

Qofna kuma lihid qasab in uu wax kuugu sameeyo ama sidaa rabtay yeelo. Guushaada iyo Fashilkaagaba adiga ayaa ka mas’uul ah. Jooji oohinta iyo eedaynta. Jooji sugida in wax kasta u dhacaan ama noqdaan sidaa jeceshahay. Ma jiro wax bilaash lagu helo, Noloshu waa Imtixaan. Wax badan oo dhaca ma aha awoodaada, waxna kama bedeli kartid sida Dabeysha, kulayka, barafka, dabeecadaha iyo dhaqamada dadka. Aqbal xaaladaha qaarkood, qaado mas’uuliyada naftaada. Jooji eeda badan. Bilow in aad ficil dhanka wanaagsan iyo horumarka ah sameyso.!!

==================================================================

Fadlan Walaal adigoo Mahadsan Share dheh oo la wadaag walaalaha kale si ay u aqriyaan qoraal kan.

Qalinkii: Farah Cawaash.

WARBIXIN:- QAADO LAHAANSHAHA NATIIJADA KA DHALATA QALADKAAGA.!! WQ:- Farah Cawaash

Abdulkadir dulyar Wednesday, May 2, 2018

BAJAJ WAA LAMA HURAAN, BALSE XIDAGAHEENU MA MUDNEYN MAANTA OO KALE.!! WQ/ Dulyar.

Bajaj waa lama huraan balse,maanta oo kale   ma mudneyn Xidigaheenu . !!!
================================================================

Aniga aragti dayda waan jeclaan lahaa in Xidigaheena loo soo dhaweeyo sida Xidigaha Real Madrid C.F. oo UEFA Champions League soo qaaday oo kale ,balse Eeddan sida aan arkayo waxba kuma laha Madaxda Dowlada & tan Gobolka Banaadir-ba, waayoo door koodii wey qaateen waxa ayna u soo dhaweeyeen si heer sare ah oo maamuus wanaagsan ka muuqdo, weliba waxaan marqaati ka wada nahay oo aan  la dafiri karin in Madaxda Dalka ugu saraysa & tan Gobolka Banaadir oo udba hooda wata ay garoonka u taag naayeen saacado badan soo dhaweyn tooda.,

Docda kale, Waxaa soo garab istaagooda darteed dalal fog fog uga yimid Xidiga hii & Legends kii K/Cagta dalkeena, Sida #Mohamed #Ismaciil, #BashirJeenyo, #Iskood ,iyo Saaxiib Key #ZOLA bidaar oo howshaa garwadeen ka ahaa iyo akhyaar kaloo badan oo runtii ilaa Bujumbura la socday , Sidoo kale Halyeey yadii K/Cagta soo maray ee dalka ku sugnaa ayaa iyaguna saffaf dhaadheer ugu jiray soo dhaweyn tooda, tan kale waxaa loo garaacay Baambay, waxaa lagu soo galbiyay Busas iyo Caleemo qoyan waxaana munaasab Quraac ah loogu qabtay Hotel Saxafi oo ay Madax fara badani kala qeyb gashay.

Balse intaas ka dib, waxaa Eedda qaladkan yar  dusha u ridanaya  Gudiga qaban qaabada ,Wasaaradda Sports-ka  & Xiriirka K/Cagta Soomaaliya oo dabcan uu qorshuhu ka qaldamay si kastaba ha uga sibxatee iyaguna waa bini'aadam oo waxaa laga yaabaa sidaan u fikireyno si ka duwan inay u fikirayaan ., balse waxaan leenahay fadlan iska sax oo wax ka barta Guulaha dambe si aaney u dhicin sidaan oo kale , malaha tan Farxada & Guusha oo idinku cusbeyd baa idin wada dawaqisaye.Sow maaha ...

=Waayoo uma aysan waayin sidaan si dhaanta oo guryahooda lagu kala geeyo si sharaf ah Sow maaha.?,

=GUNUUNACA BULSHADA:-

= kuwaa oran doona Aaway 30-kii Bus ee Qadar?
=Waxaa suurtagal ah in amaankooda loo baqay. in intaas oo Ciyaar yahan oo la wada ogyahay inay maanta dalka ku soo laabteen Hal Bus la wada saaro oo Guryahooda lagu kala geeyo.
-Kuwa kalaa dhihi doona awalba igu sawir bay aheyd.
=Markaas baa xaqiiqdu oran doontaa Raysalwasaare K/Xigeenku haduu sawir u ciil qabo Bujumbura ayuuba iskula soo sawiree maxuu maanta isaga seexan waayay MOOYI
=Kuwaa la soo boodi doona aaway lacagtii loo ururuurinayay?
=Gudiga lacag qabashada ayaa  la soo boodi doona Sheydaan ka iska naara  oo wax hubsada..
=kuwaa ku fikiri doona waxa ay ahayd in Raysal Wasaare Kheyre uu raaco oo guryahooda kala geeyo si uu u dhiirigaliyo dhalinyarada ?
=Markaas baa kooxda Amniga wax ka taqaana ay arinkaas madaxa ka ruxi doontaa, maadaama dhalin yaradaan aaney hal Degmo wada daganeyn islamarkaana aaney Siyaasad & Dowlad shaqo ku lahayn .
=Ugu dambayn Kuwa xarig lama sitaan ah baa marka ay arkaan qoraal keygan hoosta iga xaman doona iyaga oo leh..... Muxuu Xiirka K/Cagta ka rabaa.? .... "Dulyar Dowlada ayuu taageeraa".iyo hunuhunu kale
=Markaas sow Anigu xaq uma lihi inaan dowladeyda taageero,YES..... lkn hadana markey arkaan maalin kale Aniga oo dowlada docdoceynaya MAXAA YAAB IS DABA YAAL.....sow maaha .kkk

Isku soo duuboo Hala iga raali ahaado hadaan wax ku dheelay waxaan diidayaa oo qudha inaan dadka hilba aan islaheyn la isugu saafin.Adiguna aragtidaada xor baad u tahay , Anna teyda igu ixtiraam,  Xamaroow khayaarkaa sow maaha kk

Mahad sanidiin/=

=WAA ARAGTI DAYDA/= 

Abdulkadir Dulyar
Muqdisho/=

BAJAJ WAA LAMA HURAAN, BALSE XIDAGAHEENU MA MUDNEYN MAANTA OO KALE.!! WQ/ Dulyar.

Abdulkadir dulyar Tuesday, May 1, 2018