SHEEKO AAN KAL HORE KU JEXAASAY ABAAXADDEYDA.!!!

Rag is gurahaya: Ogow hadii lagu ciilo adigoo yar lagaana gardaran yahay illaahayna kugu sallido qofkaa xoog badan marwalbana dambi laguu yeelo, lagu hafro isla markaana lagaa hadal iyo af dheer yahay..Haddii wax la waayo adigaa xaday, haddii neef dhutinaya soo xaroodo, adigaa dhagax ku dhuftey, ilmo yar hadduu reerka ka ooyana adigaa dilay.! Haddii xooluhu habeenkii didaan oo oodda jabiyaan, KIIBAA U HAGOOGTAY ayay lasoo boodi.

Tabar aad ku ciilbaxdana ma lihid, hadal kaaguna  ma lahan miisaan  cid ku dhageysanna ma jirto.!

Wiil yar oo rajay ahaa oo hooyadiis eebbe oofsaday ayaa dhibkan kala kulmay islaan Aayadiis aheyd.. Ciil gaamurey oo meel loo ciirsada lahayn ayaa wiilkii ku habsadey. Laakiin wiilkani waxuu talo ku goostay haba yaraadee, hana tabardaraadee in isaga iyo Islaantan aysan reerkan sidan kuwada joogi karin. Hooyo ka celisa ma lahan xitaa qof Islaan ah oo dhaha wiilku sidee waxwalba isagu u kharibaa wuu waayay.. Naftiisii ayuu nacay waxuuna go'aan ku gaaray in isaga iyo Aayadiis ay kala baxaan..! Maxuu sameeyey Wiilkaasi..Bal Dhugo..!!

Waxuu soo dhaweystey xadhig jaro ah oo saddex farood ah oo xaskul ka sameysan waxuuna soo qabsaday Dameer Muun ah oo hooyadiis Fariido garab socda marwalba oo dhaan iyo hawl loo qaansheysto, balse aan dushiisa heeryo la saarin. Wuxuu sugi waayay inta gabbalku ka dumo ciilka haya dartiis..

Markii gabbalku dhacay, xoolihiina la maalay ee dadku jiif qaadeen ayuu dameerkii oo heegaysan uu soo gadh-qaaday waxuuna joojiyay Afaafka aqalkii Islaantii oo markan khuuradeeda banaanka laga maqlo oo hawshii badneyd ee reerka la gataati dhacdey. Wiilkii inta huluushay aqalka ayuu Islaanta lugteeda midig surgin si xeeladeysan loo xirey tartiib u galiyay sidii Kab lagu cabiray oo kabatole ku jeebey.. Wuu ku giijiyay si taxaddar leh dib ayuuna uga soo baxay aqalkii.. Xarigii ayuu dameerka dhexda uga maray sidii isagoo caymniya tabartiisana giijiyay oo surgimo badana u sameeyey si uusan marnaba usiiban xarig gaasi..

Markii uu hubsaday in hawshu sidii loogu talagalay u socoto, ayuu inta bisinka u qabtay saddex ulood xaluuliyay dameerkii.. Dameerkii ayaa orod istaaray waxa una xoogii, naxdintii iyo bootintii banaanka soo dhigay Islaantii oo cir iyo dhul meel looga yimid garanweyday.. Dameer kii waxa uu la dhexmaray islaantii ooddii ardaaga waxuu isku daray qayladii caanka ahayd ee lagu yaqaanay dameer sasay oo habeen jooga oo waliba wax madow jiidaya !!.Wiilyare caruurtii sastay ee Islaantu dhashay ayuu la sasay oo waxuu iska dhigay inuu aqalka kasoo sasay sida walaal ladiis! !

Adigu hadalku hasoo xirmee, Islaantii baxnaano, dhutin iyo dhayitaan muddo dheer qaatay ayay ku aruurtay.. Wiilkii rajayga ahaana markaas ayuu waqti iyo nafis u helay inuu faciisa la qooqo lana bardoodamo..!!!

              =============================================

WQ.- Sayid Ahmed 

SHEEKO AAN KAL HORE KU JEXAASAY ABAAXADDEYDA.!!!

Abdulkadir dulyar Monday, April 30, 2018

WARBIXIN:- MAHADNAQ & TALOOYIN MUHIIM AH,!! {CECAFA CUP FINAL U-17 2018, }

29.04.2018 

CECAFA CUP FINAL U-17  2018,  Somalia 0-2 Tanzania ........FT

MAHAD CELIN :- 

----------------------------

Marka hore waxaan si  weyn ugu mahad celinayaa Xidigaha U-17 ka ee sanadkan  nagu matalayay CECAFA CUP  U-17 oo  FINAL ka tagay iyo Macalimiin tooda Farayare & Salaad  iyo cid kasta oo gacan ka geysatay dadaal kan.

=Sidoo kale, waxaan u mahad celinayaa Xiriirka K/Cagta Soomaaliya, iyo Madaxda dalkeena kuwa hore & kuwa hada xilalka hayaba ee #Burundi u tagay inay dhiirigaliyaan Xulka Dhalinyaro deena, oo waxaanba arkayay Marka laga soo tago masuuliyiinta kale Raysal Wasaare K/xigeenka & Siyaasiga #Salaad #Cali #Jeelle oo garoonka dhex taagan .kkk

=MAHAD CELIN KA DIB:-
--------------------------------

Marka laga soo tago qaladaad yar yar oo Aniga ii muuqday run ahaantii Dhalinyaro deenu waxa ay soo bandhigeen Good Spirit , Good Behavior, Energy iyo Kubad wanaagsan,Weerar,Qad dhexe iyo Difaac-ba mudadii ay garoonka ku jireen,inkastoo bilowgii inta aanu Roobku imaan ay kubad doodu wacneyd iyo sidoo kale Q-2-aad oo ay sameyeen Attack fiican,

 Tan kale,  waxaan rumeysnahay inaan luminay fursado badan oo Goalal loo filan karay ,inkastoo Kubad Goal ahayd oo ay Xidigaheenu dhaliyeen aanan ilaa hada fahamsanayn sababta garsooruhu ku diiday si kastaba 0-2 FT waa xaalad caadiya oo qabsata Koox walba oo Final tagta.

Dhanka kale, Xaqiiq waxaa ah in ay Xidigaheena U-17 ku ay kubad dooda galabtay ka muuqatay karti iyo farsamo, Iyadoo ay u tahay.
= Markii ugu horeysay oo ay dhalinyaro dan Tartan Sports oo Caalami ah ama heerkan ah ay ka qeyb qaadanayaan.
= Markii ugu horeysay oo ay Garoomo dalal kale oo aysan waligood arag Kubad ku ciyaarayaan.
=Markii ugu horeysay oo ay CECAFA CUP Final kiisa ay ciyaaraan iyagoo maanka ku haya inay daawanayaan Kumanaan Dad ah , Madax heer Caalami ah iyo Madaxda dal kooda, halkaas waxa ka dhashana waxaa dareemi kara oo kaliya qofka garoon weyn kubad ku soo ciyaaray..

=DHIIRI GALIN:-
----------------------
Si kastaba dhalinyarada waa in Motivation loo sameeyo marka ay ciyaartu dhamaato, sida in lagu yiraahdo:-
-Waad dadaasheen waadna guuleysteen ee Guuldaradan haka shalaayina ,
-Waxaad ka fiican tihiin, Xulalka #Ethiopia,#Uganda, #Burundi,#Kenya,iyo Wadamo kale.
-Waxaad timaadeen CECAFA U-17 FINAL CUP 2018
-Waxaad hesheen Bilada 2-aad ee CECAFA CUP U-17
-Waxaa la idinka daawanayay Caalamka oo dhan,
-Waxaad u sameyseen Kubada Somalia Taariikh cusub
-Waxaad mustaqbal fiican ku leedihiin Kubada Cagta.ee hal kaas ka sii wada.

=TALO SOO JEEDIN:- 
----------------------------
=Waa in gacanta lagu hayaa Dhalin yaradan oo aan la dayacin weliba waa in la isku hayaa si loo siiyo tababaro dheeri ah oo dhanka qaab dhismeedka Jirka & farsamada ah,  si ay mustaqbalka noogu matalaan fagaarayaasha K/Cagta islamarkaana waa inaan la lumin fursadan iyo waayo arag nimada ay ka kororsadeen Garoomada Africa & Cimiladooda
=-Waa in ay Madaxda Dowlada & kuwa Xiriirka K/Cagta-ba ay dhalin yaradan il gaar ah ku hayaan loona sameeyo Maamuus wanaagsan sidoo kale waa in la daboolo baahiyahooda si looga faa'ideysto mustaqbalka.
=Ugu dambayn waa in  Ciyaartoy deena soo laabashadooda aan si wayn ugu soo wada dhaweyno dal kooda una wada muujino farxad & is garab taag dhab ah.

= QORAAL KAN  WAA ARAGTI DAYDA/=  

=Mahad sanidiin/=

Abdulkadir Dulyar
Muqdisho/Somalia

WARBIXIN:- MAHADNAQ & TALOOYIN MUHIIM AH,!! {CECAFA CUP FINAL U-17 2018, }

Abdulkadir dulyar Sunday, April 29, 2018

KHILAAFKA SOCDA XAGEE KA YIMID ASAL AHAAN.?

=Xog kooban/-

04/03/2018

Marka si dhab ah loo abaaro halka asal ahaan khilaafkan loo maaro la'yahay ee ka dhex socda Madaxda sare ee dalka uu ka dhashay iyo halka uu ka soo bilowday waxaa laga yaabaa in dad badani ay aaminsan yihiin inay tahay dood ku dhalatay si kadiso ah ama ka abuurantay Diidmadii Shirkada DPW ee ay Barlamaan ku diideen iyo arimo kaloo si sahal ah ku bilowday,

Balse dadka xog ogaalka u ahí waxa ay kuu sheegayaan in khilaaf kani uu ahaa mid ka soo bilowday Barlamaanka dhexdiisa sida magacaabistii Gudiyada joogtada ah ee Baarlamaanka , Soojeedino xildhibaanada qaar keeneen oo sida ay sheegeen  dhegaha laga fureystay, iyo Xildhibaanada loo magacaabay in ay baarlamaanka wakiilo uga kala noqdaan Ururada Caalamka sida Urur Goboleedka, IGAD, kan wadamada Islaamka OIC, kan Jaamacada Carabta, iyo Ururo kaloo caalamiya. Waxaana asal ahaan ololaha doodan soo bilaabay Xildhibaano Atoorayaal ah oo barigaa ka cadhooday markii laga reebay magacaabis taas oo qaar kood ay sanado badan isaga fadhiyeen kuraas taas,Ka dibna waxaa dagaalka ku soo biiray Xukuumada oo tuhuntay in Mooshin laga soo abaabulayo xafiiska Gud Jawaari ku soo fool leeyahay tasoo iyana ay mudadii fasaxa lagu jiray ka gashay Difaac aad u adag oo ay soo xero gashatay Xildhibaanadii ka cadheysnaa Gud Jawaari , 

Sidoo kale,  meesha lagama saari karo in 3-da masuul ee ugu saraysa ee Dalku ay isku qilaafeen qorshayaal iyaga u gaar ah oo la doonayay in seeska loogu dhigo in aan la carqaladeyn 3-da sano ee u hartay Hey'adaha Dowlada iyo wada shaqeyn tooda, iyo dabcan iney jiri karaan arimo kale oo sir ah oo nalaka qarinayo oo Madaxda sare u gaar ah oo is biirsaday, intaas ayaa la oran karaa waa kuwa ugu waaweyn ee sababay doodan aadka u adag ee weli la isku mari la'yahay, waana arimo soo socotay 6-dii bilood ee ugu dambeysay. Balse waxa uu dilaaca nabarka lala sugayay kuna soo beegmay baa la oran karaa furitaanki kalfadhiga 3-aad ee baarlamaanka

Marka uu qilaafku dilaacayna waxa uu arinku noqday in dhinac waliba taag tiisa ciyaao,waxaana dhinicii awooda is bidiyay ka hor yimid dhinicii Gudoomiye Jawaari oo helay awood kaga timid kudlado Xildhibaano ah oo awalba mucaarad ku ahaa Madaxweynaha & Raysal wasaaraha, jaceyl gaar ahna aan u taageereyn jawaari balse ujeed koodu yahay in uusan guuleysan weerarka dhanka xukuumada laga soo qaaday, si ay dagaal nasiibeed koodan hadii lagu kala adkaado ay iyagu ugu helaan natiijo ka wanaagsan mida ay iminka siyaasad ahaan heystaan,

Si kastaba ha ahaatee,Madaxweynaha iyo Gudiyo kale oo qilaafka maalmalmaan ku howlanaa waxa ay u muuqataa inaysan xarigooda xoolo ku jirin, hadiiba ay iminka warar ku sheegayaan in ay dhamaanba hakadeen dadaaladii iyo wadahadaladii xal doonka ahaa ee ka dhex socday dhinacyada hardamaya, oo taas badal keeda laga fursan waayay in fagaaraha lagu kala baxo, iyada oo si aan qorshe wadajir ah ku imaan uu hadana dhinac u soo saaray in maalinta Arbacada ah Tr 04/04/2018 baarlamaaku kulmi doono kulan aan wax badan ka duwaneyn kii Sabti dii madaxweynuhu ka hor tagay durbana uu sharci daro ku tilmaamay dhinicii kale, halkaas waxaa ka muuqata jug jug meeshaada joog iyo in kulankaasi yahay kulan malagi galay oo hadiiba uu qabsoomo aney labada dhinacba la tagi doonin Ajeende ama qorshe ay ku mideysan yihiin, welina waxaa warbaahinta la isku marinayaa hadalo is mud mudaya, lamana oga sida ay wax u dhici doonaan.

Mar hadii Madaxdii xal keeni weysay kuwii is heystayna isku samri waayeen, Hey'adii Garsoorka oo arimahaan oo kale xalin laheydna aysan noo dhisneyn sababta loo dhisi waayay 13 kii Sano na ay tahay sabab taan darteed,  waxa iminka furani waa Doorkii waxgaradka & bulshada Soomaaliyeed waana in loogu baaqaa labada dhinacba sideey doonaan oo kale ha u murmaane inay dhowraan SHARCIGA DALKA , AMNIGA, DOWLAD NIMADA & ARIMAHA KELE EE LAMA TAABTAANKA AH., si aan dalka loo galin qalalaase aan hadhow laga soo waaqsan doonin,

Ugu danbeynti, Dad badani kuma faraxsana waxa ka dhex socda Madaxda dalka dhexdeeda oo ah wax sababi kara in ay Shacabku ka niyad jabaan hanaanka dowladnimo & wixii ay hiigsanyeen, oo taa badal keeda waxa ay ka jeclaan lahaayen in Madaxda soomaalidu ay noqdaan kuwa la yimaado Isu Tanasul & dulqaad  halkii ay ku mashquuli lahaayen is qabqabsi iyo qilaaf joogta ah,  waana in la dhowro Sharciga KMG ah ee Dalka  loona maro xalka isaga  hadiiba uu qilaaf yimaado , ALLOW UR U BIXI.!!!

=============== DH A M A A D ==============================

=ALLAH {SWT] AYAA NAGA OG RUNTA....BALSE TANI WAA ARAGTI DEYDA GAARKA AH IYO XOGAHA AANKA HELAY KHILAAFKA, QOFKII XOG KALE HAYA FADLAN HANALA WADAAGO SI DADKU WAX U OGAADAAN WAXA SOCDA XAQIIQDOODA/=

Mahad sanidiin/=

Abdulkadir Dulyar
Muqdisho

KHILAAFKA SOCDA XAGEE KA YIMID ASAL AHAAN.?

Abdulkadir dulyar Tuesday, April 3, 2018