DAAWO:- WARBIXINTA DHISMAYAASHA { STADIUM KONIS Vs STADIUM MOGADISHU.!!}@DULYAR
WARBIXINTII DHISMAYAASHA. { STADIUM KOONIS
Vs STADIUM MOGADISHU.!!}
Markaan
waxaan ku soo qaadan doonaa sheekadii xiisaha leheyd ee dhex martay 2 da Garoon
ee K/Cagta Soomaaliya lagu cayaari jiray barisamaadkii Tartamada Horyaalka iyo Janaraal Daa’uud ka,
waa Garoomada Istadium Mogadishu iyo Konis Istadium ama Ispartibo Weekiyo.
2-da
Garoon sida aad la socotaan waxa ay qeyb ka noqdeen bur-burkii guud ee dalka
soo gaaray markii la riday Rukumadii ay ku taagneyd dowladii dhexe 1991-dii,
waxaadse moodaa maanta in ay kala nasiib
iyo hooda wacan yihiin,waayoo mid ka mid ah waxaa laga bogsiiyay nabaradii
dagaalada ka soo gaaray,waxaana la dhigay gogol qurxoon oo soo jiidatay bahda
Sportiga,halka kan kalena uu weli la taahayo tiiraanyadii colaaddahii dalka ka
dhacay,waxaana maanta ku hoyda Ciidamo shisheeye oo sidii bey weli rasaasta iyo madaafiicdu ugu dhex dhacdaa har
iyo habeen.
Dhanka
kale waa suurtagal in ay labadaan Garoon hoosta ka wada xiriiraan,iskana xaal
wareystaan xaaladooda maadaama ay iyagu iska xigaan Ehel ahaan dhismayaasha
kale ee Muqdisha ku yaala.
Hadaba waxaa hadalka bilaabaya sida caadadaa
hadba dhismaha wax goconaya,waana dhismaha ISTADIUM MOGADISHU, waxa uuna yiri:-
HALLO , ma I maqashaa.
HAA waan ku maqlaa Sxb,
Waxaan
ahay Stadium Muqdisho waxaanan filayaa in aad I xasuusato, waxaan ahay Garoonkii ugu weynaa
uguna caalamisanaa dalka Soomaaliya waxaan soo maray marxalado kala duwan
waxaan soo arkay dagaalo dhexdeyda kadhacay oo tira beel ah, qoloba qolo ayey iga qabsan jirtey, waxaana
mar soo marti galiyay Ciidamo Ethopian ah oo si xun iila macaamilay, waxaana
dhex deyda ku aasan meeydad fara badan
ka soo bilaaw baroonbaa kaqayb galay ilaa hada
oo ay igu dhex gaardiyaan Ciidamo Ugaandheys ah.ee Sxb adiga xaalkaaga
ka waran
Koonis Stadium:- Sxb,Anigu si fiican baan kuu xasuustaa,waxaad tahay widaaygeey
aan ku faani jiray marka Dalkeena marti
galin jiray cayaaraha Caalamiga ah bari
samaadkii, aanse kuu waramee Anigu waxaan soo maray dhibaato badan iyo dagaalo
,waana la bililiqeystay wixii I dhex yiilay sidaada oo kale,, mararka qaarna
waxaan hooy u soo ahaa Maleeshiyo beeleedyo,
hadase xaalkeygu waa fiican yahay Sxb,
STADIUM MOGADISHU,
oo la yaaban hadlkii ahaa Hadda xaalkeygui waa fiican yahay, ayaa waxa yiri,:=
Sxb waabaad iga farxisaye ii wad sheekada ma anigaad ii laab
qaboojineysaa mise fiicnaanta aad ii sheegtay waa kaa run,
KOONIS STADIUM:= Waa iga
dhab sxb,waayoo waa la iga daweeyay
wixii I soo maray ,oo waxaan ka helay Xiriirka K/Cagta Soomaaliyeed oo kaashana FIFA
ayaa waxoogaa dayactir ah oo dib u soo
celiyay bilicdeydii iyo farxadeydii, hadaad igu ogeyd Cows dabiiciya hada waxaa
la igu goglay Cows macmal ah oo la mid ah kuwa ku goglan Garoomada Caalamiga
ah, waxaa la iga dhex bilaabay Tartamadii Horyaalka dalka ee aan bari wadaagi jirnay, balse Cayaartoyda igu dul
cayaartaa sida iiga muuqata uma awood badna sida kuwii hore oo kale ,waana
cayaartooy dhuudhuuban oo gaagaagaaban,malaha Aduunkii baa is badalaye, Sidoo
kale waxaa ii soo daawasha taga dadweyne aad u fara badan oo xiiseeya
Cayaaraha,waxaanse aad uga xumahay in
aan mararka qaar ka dhex maqlo
gudaheyga dhawaqa rasaasta oo dhowr jeer sababay Geeri da dad masaakiin ah oo
ii soo faxad doontay.welina waa la I dhex keenaa Hubka marka cayaari socoto
,taana waxaa u sababa Madaxda iyo hubkooda oo aan weli kala harin.
STADIUM MUGADISHO:= Waxaad ii sheegtay Sxb war wanaagsan, balse Anugu weli ma helin cid ii damqata ama i daryeesha,Dowlad
iyo Shacaba waa la I iloobay, aniga oo ah Hooyadii Garoomada oo ay ii
dhameystirneyd bilicdii lagu yiqiinay Tuulo Sport, hada la ima soo booqdo, Wariyayaashu kama hadlaan xaaladeyda
ee waxeey ka sheekeeyaan Horyaalada dalalka Yurub iyo wax aanan fahmi Karin oo
aan hubo in aan bari ka qiima badnaa Anigu, wax kale iska daaye Xidigii aan soo bar baariyay ee dalka
dibadiisa u hayaamay xataa ima soo hadal qaadaan,waxeeyna ku ciyaaraan ama
tartamada ku qabtaan sidaan maqlo garoomo
ku yaala dalal aysan u dhalan balse ay marti ku yihiin,WAY OO WAY habeenada
qaar waxaan soo xasuustaa sida aan u ifi jiray iyo sida aan noqday.
STADIUM KOONIS:- BES BES SXB ha I calool xumeynin, lkn Waxaad ii sheegtey in lagu iloobay oo aan lagu soo
booqan, sidee taasi kusuurta geli kartaa waxaaba kudhex jooga Ciidamo ajnabi ah
oo kuu ogoleyn in lagu Soomaalidu ku soo salaantee, inagaba hada waxaan ka
cabsi qabaa ineey hadalkeyga maqlaan.
STADIUM.MOGADISHU;- Waxba ha cabsan sxb anigaba hada 25 Sano
ka dib dulqaadkii baa iga sii dhamaanaya
oo waxaan ku fikiraa mararka qaar in aan
qaato dhalashada Ugaandhayska, maadaama aan in mudaa iyaga la noolahay oo aan iloobay dabeecadii
Soomaalidaba.
KOONIS STADIUM;- Bisinkee Sxb samirka badi,waxaa
macquula in lagula sugayo Dowladda Shiinaha oo aniga oo kaa weyn aan waxba ii
qaban ,balse aan ogaa sida ay adiga kuu qurxisaye.
STADIUM MOGADISHO, Shib iska dheh , waxaas waa waxa aniga iyo Tiyaatarka qaranka nalaku maa
weeliyo Shiinahaa idin dhisi doona war idhageyso inagu ma waxaan ahay qayb
Shiinaha kamid ah Sow dhul Soomaliyeed ma ahi,aaway dadkeygii,aaway madaxdeydii
aaway caruurteydii……
STADIUM KOONIS;- Alla Waa runtaa sxb ee waa inoo duhur kale.
DHAMAAD/=
Waxaa wada Diyaariyay.
Abdulkadir Dulyar iyo Wariye Ceydiid C/rixmaan
Muqdisho/Soomaaliya.
